Klara smør
Klara smør får du ved å smelte meierismør i ein kjele. Da vil ein del «ureinheitar», som salt og eggekvitestoff legge seg på botn. Dette botnfallet svir seg fort i varm steikjepanne, så ein bør bruke det klare smøret ved steiking, gjerne saman med olje.

Generelt om all steiking av kjøt
Anten vil skal steikje biff eller ei steik, ein filet eller ei rype, må vi hugse at det er avgjerande at vi tek vare på safta i kjøtet. Det gjer vi best ved å periodesteikje. Det vil seia å steikje i fleire periodar, og mellom steikjetida gje kjøtet ei kviletid like lenge som kjøtet har vore i omn eller gryte. Da fordeler kjøtsafta seg attende i heile kjøtstykket, og vi får ein jamn god kvalitet og mørkt og saftig kjøt. Tre periodar tykkjer eg er bra, med lengste perioden fyrst. Same teknikken kan nyttast om ein skal dampe eller koke kjøt.

Alle oppskriftane mine på kjøtretter kan nyttast om kvarandre, til dømes kan karbonadeoppskriftene med oksekjøt nyttast som utgangspunkt for karbonader av anna kjøt.