Poteter kan lagast til og brukast i eit utal variantar. Tradisjonelt har vi nordmenn kokte poteter til middagsmaten, variasjonane har vore få. Gjennom vekeblada har nye tillagingsmåtar nådd oss, og etter kvart har vi vorte kjende med mange ulike potetretter.

Har ein tilgang på gode poteter, vil eg halde fast på at koking er det beste. Til dagleg skal vi koke potetene med skalet på. Da vil ikkje viktige næringsstoff gå tapt. Ei vanleg kokt potet er så å seia fri for feitt og gjev dermed lite energi. For den som tenkjer kaloriar, kan det vera greitt å veta.

DUCHESSEPOTETER
Til 7-8 personar:

• 1 kg poteter
• 3-4 egg
• salt
• timian
• 3-4 ss kremfløyte

Skrell potetene og kok dei. Mal eller mos potetene, arbeid inn egg, salt, litt timian og fløyte til massen får ein fin kremaktig konsistens. Fyll i sprutepose og sprøyt i fine toppar på steikjebrett. Pensle med litt eggekvite og steik i omn på 225°C til dei er lysebrune, 5-7 minutt.

---

POTETGRATENG Til 6 personar: 1 kg poteter ½ lauk i tynne skiver 1 ts salt og litt pepar 120 g riven Jarlsbergost, Norvegia eller Sveitser 2 dl mjølk smør

Skrell poteten og skjer dei i tynne skiver. Smør ei eldfast form. Legg halvparten av potetene i botnen av forma. Fordel halvparten av ost, lauk og krydder over. Deretter eit nytt lag poteter og til slutt resten av ost, lauk og krydder. Slå kokande mjølk over, del nokre klattar smør utover. Set retten i omn på 220C i om lag 30 minutt, eller til gratengen er pent brun oppå.

---

PANNEKAKER AV RIVNE POTETER Til 6-8 personar: 1 kg poteter 225 g kremost 40 g kveitemjøl 2 egg ½ ts salt pepar 180 g riven Jarlsbergost, Norvegia eller Sveitser 2-3 ss kremfløyte

Mos saman kremost, mjøl, egg, salt og pepar og rør inn den rivne osten. Riv dei råe potetene på råkostjarn og rør massen inn. Til slutt tilset ein fløyten. Røra skal ha konsistens som stuing. Ho skal ikkje renne. Smak gjerne retten til med 2-3 ss urter. Det kan vera persille, graslauk, kjørvel eller timian. Steik pannekakene med diameter 7-8 cm i panne i smør eller olje. Varmen er passe når kakene blir pent brune etter 3 minutt på kvar side. Snu når det dannar seg blemmer på oversida. Legg folie over etterkvart som du tek dei ut av panna. Denne porsjonen er nok til 18 kaker.

---

FLØYTEBAKTE POTETER
Til 4 personar:

• 10 råskrelte poteter
• 1 liten lauk
• 3 dl kremfløyte
• salt, pepar
• 1 klype muskat
• smør til pensling

Pensle ei passande eldfast form med smelta smør. Skjer potetene og lauken i tynne skiver. Legg potetene lagvis med lauk, salt og pepar mellom kvart lag. Strø ei lita klype muskat på toppen. Slå over fløyten så han står jamnt med potetene. Set i steikjeomn på 200°C i ca. 30 minutt til potetene er pent brune og mjuke.