Foto: Døla-Bilde, Bårdløkken

Bland fløyte, eggeplommer og sukker i ein kjele og pisk til kokepunktet. Tilsett pulverkaffe, rør til det er oppløyst. Avkjøl. Riv marsipan i den kalde blandinga (den er lettare å rive dersom den er frossen). Vend så inn piska krem, fyllast i former og fryses.

Glasur

Kok opp fløyte, dra kjelen til side og rør inn sjokolade. Ta parfaiten ut av forma og slå over glasuren.

Bringebærpurè

Kjørast på kjøkenmaskin og siles.

FYLL:

Bland snøfrisk, rømme, sukker og saft av ein halv sitron i ein miksebolle, pisk det kraftig, smørast oppå kakebotnen, settes kaldt til kremen har stivna.

Ottadølane skil mellom krumkaker og skryllo, enda dei blir steikte i same jarnet. Tradisjonelt har oppskrifter med egg vore til krumkaker, medan oppskrifter med fløyte har vore til skryllo.

½ liter kremfløyte
4 ss sukker
4 dl kveitemjøl
vanilje

Pisk fløyten til krem. Rør inn det øvrige. Steik skryllo gyllenbrune, form til kremmarhus medan dei er varme.

Like eins som med skryllo høyrer rømmebrød til kaffibordet også til kvardags. Likevel er det sjølvsagt julemat i mange heimar. Rømmebrød er brukt berre som kaffimat, men med smør og ost blir det også som mellommat å rekne. Rømmebrød blir gjerne servert på stettfat tilpassa storleiken på brødet. Passe storleik er om lag 15 cm i diameter.

1 kg matfeitt
½ kg margarin
½ kg sukker
2 ts hjortesalt
2 ts kardemomme
4 dl mjølk
2 egg
2 ½ kg kveitemjøl

Rør feitt og margarin kvitt, pisk lett saman egga og bland dei og dei andre ingrediensane med mjølka. Bland så skiftevis  mjølka og  mjølet

Dette er verkeleg ei dekorativ kake som pyntar eit kvart kaffibord. Jarnbakelsjarn er å få kjøpt i butikkane nå, ofte med ulike mønster. I vårt distrikt finst det att gamle jarn med særs kunstferdige mønster.

2-3 egg
2 dl mjølk
1 ½ ss sukker
80 g kveitemjøl
¼ ts vaniljesukker

Visp saman alle ingrediensane. Jarnbakkels skal kokast i smult. Jarnet skal duppast i røra og så rett i smultgryta. Pass på at røra ikkje går over øvre kanten på jarnet. Da blir bakelset sitjande fast.  Smultet  er  passe  varmt  og røra passe når ho slepp jarnet omtrent med det same.

Steik kakene lyst gule. La dei renne av på feittsugande papir.

Avletto er aristokraten på kakebordet i Ottadalen. Ho har hatt, og har framleis, ein sentral plass i festlege matlag.

Oppskriftene kan variere ein del, ikkje alle brukar til dømes sur fløyte. Elles blir avletto brukt litt ulikt i bygdene. I Lom og Skjåk blir avletto oftast servert til rømmegraut, det er ein vanleg forrett i festlege lag.

I mange heimar heng gamle avlettjarn med skaft på ein halv meter eller meir. Desse skriv seg frå den tida da skorsteinen var einaste varmekjelda. I dag er avlettjarnet tilpassa elektriske plater og i storleik liknar dei mest på krumkakejarn. Lokale handverkarar har teke vare på tradisjonen med å lage desse jarna, som har eit spesielt mønster. Det let seg gjera å steikje avletto i krumkakejarn.

3 dl kremfløyte
3 dl sur fløyte (seterrømme)
½ kopp vatn
salt
byggmjøl/kveitemjøl

Rør saman fløyte og rømme før andre ingrediensar blir tilsett. Kva for mjøl som skal brukast blir ei smaksak. Frå gamalt av var byggmjøl lettast å få tak i, nå blir kveitemjøl brukt mest.

Røra skal vera litt tjukkare enn vaffelrøra. Det er viktig at jarnet ikkje er for varmt. Det skal vera seint å steikje avletto, for dei skal tørke samtidig som dei steikjer.