Brimi Fjellstugu

Velkomen til mat og kvile

UTFORSK

Jotunheimen kallar – kjem du?

Unn deg nokre gode dagar i eit av dei vakraste seterlandskapa i landet – med mat, opplevingar og samvær frå øvste fjellhylle.

Aldri er Norge vakrare enn i fjellet. Kring Brimi Fjellstugu ruvar mektige høgfjell mot himmelen. Gjev oss menneske ei taus påminning om kor småe vi er.

Brimi fjellstugu ligg på snaufjellet, rett over tregrensa. Lufta er frisk, og sommar- og haustfargene ei praktfullt ramme kring den levande seteridyllen fjellstugu er del av. I synsranda glitrar Tesse, eit vidgjetent fjellvatn med ørret av beste kvalitet. I lag med stuttgåtte beitedyr og ureiste meieriprodukt fyrsteklasses råvarer som har gleda mang ei gane og gjest på fjellstugu.

Terrenget tett på setra er vidstrakt og flatt, samstundes går fjellvandrarar fint til topps på dei næraste 2000-meterstoppane på nokre timar. På Brimi fjellstugu treng du ikkje dra til fjells, du vaknar i fjellheimen.

I nabolaget vårt – kjent som Brimiland – finn du Brimiskogen klatrepark, lokalmatmekkaet Brimi Sæter og Arne Brimi sin vidgjetne gourmetrestaurant Vianvang. Vil du oppleve ein heilaften i selskap med Arne, så pakkar vi gjerne ei komplett helg med kost og losji for deg.

Brimi tilbyr og overnatting og matopplevingar i dei vakre fjellbygdene Vågå og Lom – du finn dei i botnmenyen her på nettsida.

Vertskap

Familien Brimi har i fleire generasjonar tatt i mot gjestar i Jotunheimen. Vi set vår stoltheit i å servere dykk det fremste fjellheimen har å by på av mat, opplevingar og kvile.

På Brimi Fjellstugu er vi særs opptekne av personleg vertskap og omsorg for kvar einaste gjest. Vi tek i mot deg i fjellheimen – og målet vårt er at du skal føle deg som heime i både fjellet og fjellstugu.

Svært mange av våre gjestar kjem begeistra att gong etter gong, noko som gjer stemninga på Brimi Fjellstugu avslappa, familiær og inkluderande. Her er det lett å få råd og vink kring måltidet eller peisvarmen, både til fjellturar, aktiviteter og val i menyen.

Har du spørsmål eller særskilde ynskjer for opphaldet, så hjelp vi gjerne til med å skreddersy ditt fjelleventyr. Velkomen!

Fjellhelsing Vegard og Eva, Lene, Yngve og Harald Brimi.

Fjellstugu

Brimi fjellstugu var originalt eit gamalt tømra ystehus. I dag er setra utvikla til ei fjellstugu med historisk sjarm, moderne fasilitetar og rik meny med lokale råvarer.

Frå starten i ysthuset som vart reist i 1949, er Brimi fjellstugu bygd fint ut fleire gonger. Seinast med ny restaurant, spisesal og resepsjonsområde. Undervegs har vi lagt vekt på å ta vare på tradisjonane, byggestilen og kanskje det viktigaste – personlig service og heimleg atmosfære uttrykt gjennom både vertskap og interiør.

Rundt fjellstugu ligg ei levande setergrend som er i drift om sommaren. Rikt fiske- og badevatn, artig klatrepark og eit fantastisk flott fuglekikkartårn.

I helgene tilbyr Brimi Fjellstugu ferdig samansette pakker med gode opplevingar i Brimiland, sjå meir her.

På vekedagar tek vi ofte imot firmagrupper som vil til fjells for å kombinere fagleg innhald med mat- og naturopplevingar frå øvste fjellhylle.

Døme på gode menyar på Fjellstugu.

Booking av pakker og bordbestilling: post@brimi-fjellstugu.no eller telefon 612 39 812.

Måltid å minnast

På kjøkenet Brimi Fjellstugu legg vi vår stoltheit i god, heimelaga mat med røter i tradisjonar frå bygda og seterstell. Råvarene er oftast stuttreiste, gjerne frå lokale ørretvatn, fjellbeite og jaktterreng.

Etter endt dag ute i naturen ventar ferdigdekte bord. Så er det berre å setja seg ned ved ein sprakande peisild i forventing om matopplevingane som skal kome. På kveldane sett vi ofte saman gode 4-retters menyar med utgangspunkt i sesongens råvarer.

I sommarsesongen serverer vi enkle lunsjrettar på dagtid og 3 til 5-retters menyar om kvelden.  Spør oss gjerne om ei passande vinpakke til. Du kan oppleve  smakar av ørret, rein og rype frå heimfjellet kring fjellstugu.

Vi samarbeidar tett med Arne Brimi, og tilbyr pakkar med opphald på Brimi Fjellstugu toppa med heilaften på gourmetrestauranten Vianvang.

Kvil godt

Brimi Fjellstugu byr på mat og kvile til kring 40 gjestar. Du kan sjekke inn på hotellrom, leige eigen hytte eller heile fjellstugu til møter og andre arrangementet.

Brimi Fjellstugu har 19 dobbeltrom med bad, og frittståane hytte på tunet med tre soverom.

Fellesareala er romslege og særs stemningsfulle, med peisestue, restaurant og nytt resepsjonsområde.

Rett over dørstokken ventar Jotunheimen, 2000-meterstoppane i Kvitingskjølen, fjellvatnet Tesse, trolsk fjellfuruskog og eit lys, levande kulturlandskap som lokkar til oppdagingsturar og eventyr.

Vegen er stutt til Besseggen, Galdhøpiggen og Glittertind, raftingelva Sjoa og matmekkaet Lom, Valdresflye og ikoniske Sognefjellet og Hurrungane.

Er dykk ei større gruppe, byr vi og på overnatting hos våre gode naboar Brimi Sæter og Brimiskogen – samt på vårt boutique hotell SOV Lodge nede i Vågå.

Skreddersydd firmatur

Gjennom Brimi Eventyr skreddersyr vi komplette pakkar med aktivieteter, matopplevingar, fagleg innhald, opphald og transport. 

Brimi Fjellstugu har plukka frå øvste hylle, og er stolte av å tilby bærekraftige firmaturer med relasjonsbygging, gode møter og opplevingar for deg og dine kollegaer. 

I firmaturane våre har vi samla det beste Brimiland har å by på av stolte mattradisjonar, stor og vakker natur, og levande kultur. Gjerne krydra med rafting, hundekjøring, stisykling eller bre- og toppturar. Alt sydd saman til ei minnerik og eventyrleg oppleving.

Fjellstugu byr på romslege fellesarael og møterom med sjel, toppa med suverent mat- og aktivitetstilbod. ​Gjerne toppa med festmiddag hos Arne Brimi på Vianvang.

Vi er stolte av det vi har å vise fram, og vi gler oss til å ynskje velkomne!

Helsingar frå gjestar

  • På vegne av alle i reisefølge så vil jeg få takke så mye for en flott adventshelg i Brimiland. Tilbakemeldingene var unisont fantastiske J
    Tusen takk til alle involverte.

    Frank, markedsjef, Trondheim

  • Takk for hjelpen nok en gang. Pappa var super fornøyd med oppholdet og sa det var den fineste bursdagsgaven han hadde fått i hele sitt 70 års lange liv!

    Anders G, Oslo

  • Jeg var i Brimiland i helgen, gjest i min søster/svogers feiring.
    Er det en drøm at jeg har vært der?? Det var en utrolig opplevelse, fantastisk!. Gjestfriheten hos Vegard på Brimi Fjellstue, på tur med ham lørdag,
    på lunsj ute i Brimiskogen med dere alle sammen, og så på Vianvang hos Arne Brimi og hans stab.
    Jeg har spist mye god mat tidligere, men dette overgår alt. Det var så veldig veldig veldig godt!!
    Ute i «tutaheiti» bortenfor sol og måne, uten et veiskilt – der ligger dere. Verdens beste sted!!
    Vi kommer nok tilbake……tusen tusen takk for en uforglemmelig helg. Et minne for livet.

    Kikki, Bergen

Slik brukar vi opplysningane dine på Brimiland.no

For å gje deg den beste Brimiland opplevinga tek vi vare på opplysningar om namn og epost-adresse. Opplysningane brukar vi til å gje deg gode tilbod og oppdatert informasjon om Brimiland. Du vil berre bli kontakta direkte frå Brimiland (eller ein av medlemmane våre: Vianvang, Brimi Fjellstue, Brimi sæter, Brimi bue og Brimiskogen klatrepark), aldri frå samarbeidspartnere og vi vil aldri gje informasjonen din vidare.

Eg gjev herved samtykke til at Brimiland kan kontakte meg på epost.

×